Nókis rayoni 15-sanli balalar muzika hám kórkem óner mektebi direktori, Xalıq deputatları Nókis rayonlıq Keńesi 10-sanlı «Tóktaw» saylaw okruginen deputat V.Utegenova xalıqtıń shańaraqlarındaǵı mashqalalardı úyreniw procesinde kem támiyinlengen shańaraqtıń tam bólegi menen baylanıslı mashqalaǵa dus keldi.
Shańaraqqa qáwenderler tárepinen shifer hám stropila materialları alıp berilgen.
Mashqalanı tek ǵana atap ótiw menen sheklenbegen deputat V.Utegenova intakerlik kórsetip, tóbeni ońlaw hám shiferlardı ornatıw jumısların óz esabınan ámelge asırdı.
Bunday ámeliy jumıslar deputattıń xalıq penen jaqın baylanısta ekenligin, saylawshılardıń múrájat hám mashqalalarına biypárwa emes ekenligin kórsetedi.
Xalıq mápi jolında islengen hár bir iygilikli is — úlken nátiyjeniń baslanıwı!
