Nókis rayonı 15-sanlı Balalar muzıka hám kórkem óner mektebinde 2026-jıl 9-yanvar kúni májlisi bolıp ótti.
Májlisti mektebimizdiń oqıw isleri boyinsh direktor orınbasarı U.Xojanazarova ashıp berdi hám basqarıp bardı.
Dáslep ol 2025-jıl juwmaǵı boyınsha mektebimizde alıp barılǵan jumıslar boyinsha keń túsinik berdi.
Taza 2026-jıl boyınsha reje tiykarinda jumıs alıp barıw, oqıwshilar menen ele de tártip-intizamdi kúsheytip, olardiń bilim alıwǵa bolǵan qiziǵiwshiliqlarin kúsheytip, taza metodlar menen sabaqti qiziqarlı túrde ótiw kerekligin, ata-analar menen tiǵiz baylanista bolip májlisler shólkemlestirip turiwlar kerekligin bólim basliqlarǵa tapsirma etip qoydi.
Sonday-aq májliske Din isleri boyınsha komitetiniń rayonlıq bas qánigesi D.Tawekelov qatnastı.
Ol óz sózinde «Jawızlıqqa qarsı aǵartıwshılıq» súreni astında úgit-násiyat ilajı ótkerildi.
Ilajda diniy aǵartıwshılıq tarawında alıp barılıp atırǵan reformalar, «Ózbekstan Respublikasında puqaralardıń hújdan erkinligin támiyinlew hám diniy tarawdaǵı mámleketlik siyasat koncepciyasın tastıyıqlaw haqqında»ǵı 25.02.2025-jıldaǵı ÓRQ-1037-sanlı Nızamnıń mazmun-mánisi, radikallasıwdıń sociallıq-ruwxıy ortalıqtıń turaqlılıǵına tásiri, diniy ekstremizm hám terrorizm menen baylanıslı qáwiplerdiń aldın alıw, elimizdiń tınıshlıǵı, shúkirshilik tuyǵısı, dress-kod talaplarına ámel etiw, sociallıq tarmaqlar arqalı tarqalıp atırǵan salamat emes aqıydalardan sergek bolıw sıyaqlı áhmiyetli temalarda sóz etildi.
Qatnasıwshılardıń temaǵa baylanıslı qızıqtırǵan sorawlarına juwap berip bardi.
